A scrif öna poesia,
per du che se spusa
l'è sempre öna impresa
ardua e laburiusa,

ma per ol me amis Lorenzo
e la sua dolce metà
quater strofe en bergamasc
so sigür chi ghe stà.

Prima de töt
fra Papé e Papòc
el pöl noma saltafò
che di bei crapòc

che n'dela éta,
mal che la ghe n'daghe,
i sarà bu de difendes
anche a crapade.

Me öleres daf,
cola me esperiensa,
ü muntu de consigli
ma oi vega negot so la coscienza

però con tota onestà
te dighe caro Lorenzo
de fa sempre en manera
che la tò moer la tè faghe bela cera.

Per vega chesto l'è mia malfà
ta ghe doma de laurà !
e de mia n'dormentas
la sira söl sofà !!!

de girà sempre coi patine,
de regordas quando la cömpes i agn,
de diga sempre che l'è la piö bela
se nò te se fritto en padella.

A parte töte ste considerasiu,
l'augurio de töc,
a l'è de tanta felicità
conturnada de tante bele noità

stì sö alegher,
che l'è importante,
contentif de chel che ghì !
che serì contec sino ala fì !