ÖNA PIANTA DE GERANI

1° premio concorso di poesie dialettali 1999

Sezione poeti di Valle Brembana

Denacc a öna taolòsa culurada

o al taol de disegn ‘n del me stöde

ü di momenc piö bei dela giurnada.

Sota, l’acqua del Bremp la scor,

di ölte limpida e queta,

di ölte sporca, culur marù e infüriada.

Piö sö i pracc verc, pighere en quantità

öna dre l’otra, fina a tucà ol cél

fina al còl dela Trinità.

Do anedre, söl fiöm, i sé cor dre inamorade

e öna pianta de gerani , le denàcc a me,

sö la finestra coi ante spalancade.

I mè l’era regalada, come sere contét !

Piantada ‘n dü vasèt culur matù,

dò foie sèche e ü bociol pensolét.

O dusìt curala con tanta pasiensa

e adès so sigur che la öl dimostram

töta la so riconoscensa.

Öna, dò, trè, sich, dés, vinte

luminuse smagie róse de culùr

ma se !… spöl inamoràs anche d’ü fiùr …  

GIUPPONI MARIO